Plantun de Prouvènço

Pèr coumpara dos planto d'encò nostre

Carex curvula subsp. rosae & Crepis sancta

Queirello(-enarcado)

Carex curvula subsp. rosae

Cyperaceae

Àutri noum : Queirello(-dóu-mount-Rose), Moutouso, Sagneto.

Nom en français : Laîche du mont Rose.

Descripcioun :
La queirello-enarcado trachis en mato dins li pelouso di cresten venta d'auto mountagno. Se recounèis subretout à si fueio primo (1 mm), plegado, enarcado e dessecado au bout. L'enflourejado èi courteto, de 1 à 2,5 cm, caupant 3 à 6 espigo sarrado dis escaume bruno, pounchudo e membranouso sus li bord (fotò). La subsp. presentado eici, Rosae vèn sus cauquié ; se recounèis peréu à si fueio mens sarrado e mens enarcado que sa cousino, Carex curvula subsp. curvula que se vèi sus siliço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 40 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 1 à 2,5 cm
Flourido : Estiéu

Sòu : Ca
Autour basso e auto : 2000 à 2800 m
Aparado : Noun
JUliet à avoust

Liò : Pelouso - Cresten
Estànci : Subaupen à Aupen
Couroulougi : Ouroufito-Sud-Ouèst-Éuroupenco
Ref. sc. : Carex curvula subsp. rosae (L.) Gilomen, 1937

Erbo-rousso

Crepis sancta

Asteraceae Compositae

Àutri noum : Engraisso-porc, Pato-de-galino, Pèd-de-gau, Reviro-soulèu, Mau-d'uei.

Noms en français : Crépide de Nîmes, Andryale de Nîmes.

Descripcioun :
Aquelo planto flouris tre lou mes de febrié. Pòu faire de gràndis espandido dins li vigno e d'àutri champ. L'atroubarés peréu sus li camin, li tepiero emai dins la garrigo. Se recounèis à si fuieo en rouseto qu'an de benc negre (fotò). Sus li bratèio di flour i'a uno rego de péu blanc. Se destrìo dis àutri Picris que lou fru a ges de bè (fotò).

Usanço :
La poudès acampa pèr vosto ensalado champanello que n'en manco pas en mars.

Port : Erbo
Taio : Pancaro entresigna
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Crepis
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Printèms Ivèr

Sòu : Ca
Autour basso e auto : Pancaro entresigna
Aparado : Noun
Remarco : Ensalado champanello

Liò : Champ - Tepiero seco - Ribiero
Estànci : Pancaro entresigna
Couroulougi : Pancaro entresigna
Ref. sc. : Crepis sancta (L.) Bornm., 1913

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Carex curvula subsp. rosae & Crepis sancta

ges

Coumpara Queirello(-enarcado) emé uno autro planto

Coumpara Erbo-rousso emé uno autro planto